Xúnite a la Intifada Homosexual! http://elmarica.nireblog.com Agora que'l pañuelu palestinu ta a la venta nes tiendes de moda d'Occidente, tu tamién pues!!! Mon, 29 Jun 2009 22:29:39 +0100 Xúnite a la Intifada Homosexual! http://files.nireblog.com/blogs/elmarica/gravatar.gif http://elmarica.nireblog.com http://nireblog.com De Stonewall a Asturies http://elmarica.nireblog.com/post/2009/06/29/de-stonewall-a-asturies http://elmarica.nireblog.com/post/2009/06/29/de-stonewall-a-asturies
Y esto ye un vídeu que fici y que se proyeutó esti sábadu nel Actu Institucional de XEGA nel Antiguu Institutu de Xixón. Gracies a la xente de XEGA por xubilu nel Youtube.
NOTA: Si nun pues escuchalu, prueba nesti otru enllaz:
http://www.dailymotion.com/user/xegatv/video/x9px7k_de-stonewall-a-asturies_news

Comments

]]> Mon, 29 Jun 2009 21:55:57 +0100 28 Xunu: Xúnite a la Intifada Homosexual http://elmarica.nireblog.com/post/2009/06/29/28-xunu-xunite-a-la-intifada-homosexual http://elmarica.nireblog.com/post/2009/06/29/28-xunu-xunite-a-la-intifada-homosexual Un añu más, el 28 de Xunu llesbianes, gais, transexuales y bisexuales conmemoramos l'aniversariu de los disturbios en Nueva York motivaos pola redada al pub d'ambiente Stonewall. Esti sucesu marca l'entamu del modernu movimientu vindicativu LGTB. Y esti añu ye especial. Ye'l númberu 40. Cuarenta años de llucha, cuarenta años d'avance social y llegal. Cuarenta años que nun puen quedar equí, sinón qu'hai que siguir avanzando y pa defender lo yá algamao. Nun escaezamos que se pue dir p'atrás tamién.

Esto quier ser un pequeñu tributu nesti requexucu de la rede a les persones que dieron la cara por nós, poles xeneraciones futures y por ellxs mesmxs, fartxs de tanta represión secular. La semeya ye una de les sacaes esa mesma nueche, na que la policía intenta contener la manifestación.

Stonewall
L'arguyu equí en Xixón el día 27 foi tou un ésitu. Por ciertu, esti añu l'arguyu estatal celébrase en Madrid el 4 de Xunetu. Más información na web de XEGA.

Comments

]]> Mon, 29 Jun 2009 00:51:52 +0100 Bandullu, bandullu http://elmarica.nireblog.com/post/2009/06/22/bandullu-bandullu http://elmarica.nireblog.com/post/2009/06/22/bandullu-bandullu Acabo cruzame contigo pela Cai General Elorza. Dibes mirándome a l'altura'l bandullu y nun supi qué pensar. De siguíes entamé faceme idees allocaes na tiesta de qué podía ser lo que tabes camentando mientres mirábesme ehí baxo.

¿Pue ser que tuvieres mirando lo gordísimu que toi?

¿Pue ser que te llamara l'atención el cinchu'l mochilón que llevo pa que nun me foda la espalda?

¿Pue ser que te llamara l'atención cualquier otra cosa?

De toes formes, home pequeñucu de tamañu, volví la vista y tu nun miresti pa tras. Quedaré cola dulda'l restu'l día, entós...

Comments

]]> Mon, 22 Jun 2009 15:21:32 +0100 Diya Internazional de l'aliberazión LGTB http://elmarica.nireblog.com/post/2009/06/18/diya-internazional-de-laliberazion-lgtb http://elmarica.nireblog.com/post/2009/06/18/diya-internazional-de-laliberazion-lgtb Yá s'avera'l 28J y en toles partes del mundu tán entamándose iniciatives pa reivindicar los nuesos drechos. Dende Zaragoza llégame esta semeya, espublizada nel blog hermanu d'esti Lo Marica

Pa quien nun sepa aragonés:
"RESISTENCIA TRANSMARIBOLLERA DOS MIL NUEVE"
"VENTIOCHO DE XUNU, DÍA INTERNACIONAL DE L'ALLIBERACIÓN LGTB"
"DA-YOS U MÁS-YOS FAI MAL, CONVIERTI TOLOS DÍES EN VENTIOCHO DE XUNU"

Comments

]]> Thu, 18 Jun 2009 14:47:05 +0100 ¡Gol! http://elmarica.nireblog.com/post/2009/06/13/gol http://elmarica.nireblog.com/post/2009/06/13/gol Restolando pela rede, atopé de vuelta esti curtiu que viera va tiempu pero que nun m'alcordaba que tenía ente los favoritos del Youtube. Presta :)

Comments

]]> Sat, 13 Jun 2009 14:16:15 +0100 Actos del Arguyu LGTB Asturies 2009 http://elmarica.nireblog.com/post/2009/06/13/actos-del-arguyu-lgtb-asturies-2009 http://elmarica.nireblog.com/post/2009/06/13/actos-del-arguyu-lgtb-asturies-2009 Por fin!

Dende XEGA yá se tien un calendariu entamáu pa los actos d'esti mes de Xunu de 2009 dientro de lo que ye'l mes pol Arguyu LGTB.

Recordái qu'esti añu l'actu central faise'l 27 de Xunu a les 19:30 en Xixón, pa que caiga en sábadu, y la manifestación faise darréu.

Podéis consultalo equí:

http://www.xega.org/xega/noticias/xega/programacion_orgullo_lgtb_2009_en_asturias

Comments

]]> Sat, 13 Jun 2009 12:23:06 +0100 Hai homes que nun entienden... http://elmarica.nireblog.com/post/2009/06/11/hai-homes-que-nun-entienden http://elmarica.nireblog.com/post/2009/06/11/hai-homes-que-nun-entienden Otru recuerdu de la que taba en Salamanca y esos viaxes a Madrid (¡a dos hores en tren namás!) pa folixa más tovía cuando la ciudá charra quedaba curtia yá. Y d'esti obviu cantar, quédome con una de les dos frases centrales que canta Alaska. Creo que reflexa más mio sentir la segunda que la primera...

"Hay quien apuesta fuerte y decide quererte, sabiendo lo fácil que resulta perderte."

"Hay quien no tiene suerte y prefiere engañarte, sabiendo lo fácil que resulta ganarte."

Comments

]]> Thu, 11 Jun 2009 12:54:23 +0100 ¡Péga-y a la mio raposina! http://elmarica.nireblog.com/post/2009/06/11/pega-y-a-la-mio-raposina http://elmarica.nireblog.com/post/2009/06/11/pega-y-a-la-mio-raposina Asina ye'l títulu d'esti otru cantar que tamién escuchaba de la que salía de carrilanada per Salamanca (va yá diez años!) y que ye tou un clásicu, misoxinia aparte, carustá...

Tamién ye temática LGTB anque nun vos lo paeza. Si nunca viérais el vídeu, véilu y depués sabréis por qué...

Comments

]]> Thu, 11 Jun 2009 12:40:24 +0100 Fai un movimientu contra min! http://elmarica.nireblog.com/post/2009/06/11/fai-un-movimientu-contra-min http://elmarica.nireblog.com/post/2009/06/11/fai-un-movimientu-contra-min Restolando pel Youtube, alcontré va un cachín un vídeu d'un cantar house qu'escuchaba de la que salía de folixa nos mios años d'estudiante en Salamanca. El cantar préstame pero nunca nun me decaté del vídeu: un mozu al que paez ser intenten cura-y la heterosexualidá con electroshocks, como nos ficieron en sieglos pasaos de forma xeneralizao a los homosexuales.

Realmente ye una petardada esti vídeu pero faime gracia l'usu d'esti tema como motivu pa ello. Nun tien preciu la escena final na que sal-y chorros de lluz pelos deos al mocín guapín y prestosucu esti y convierte a los señoronos científicos feos, aburríos y vieyos en xamones disco-pin ups gogo dancers.

¡Porque la vida del marica nun ta enllena namás d'activismu y protesta, tamién hai sitiu pal glitter y la banalidá!

Comments

]]> Thu, 11 Jun 2009 11:55:32 +0100 ¿Qué dicen les muries? http://elmarica.nireblog.com/post/2009/03/16/que-dicen-les-muries http://elmarica.nireblog.com/post/2009/03/16/que-dicen-les-muries nadietiene.jpg
.
.
. 
Salamanca, marzu de 2009. Dir pela cai suel traete munches sorpreses, ente otres coses como esti cartelu nuna tienda. Qué grandes verdaes traen escrites davezu...

Comments

]]> Mon, 16 Mar 2009 01:31:00 +0100 A Gay Educational Cartoon http://elmarica.nireblog.com/post/2009/03/15/a-gay-educational-cartoon http://elmarica.nireblog.com/post/2009/03/15/a-gay-educational-cartoon Siéntolo muncho pero nun me lo da pa facevos subtítulos d'esti vidiu. Pa quien sepia inglés.

Comments

]]> Sun, 15 Mar 2009 20:49:13 +0100 Crímenes d'odiu http://elmarica.nireblog.com/post/2009/02/24/crimenes-dodiu http://elmarica.nireblog.com/post/2009/02/24/crimenes-dodiu

Primero foi en Vigo.

Agora ye en Liverpool.

Y asina tamos, día tres día, nueche tres nueche.

Figuráivos que tais perehí. Tais nun barucu y veis daquién que vos presta, que vos cautiva y vos atrapa'l corazón fuerte, a primera vista y que cuando mira pal to llau crucies una mirada furtiva que te provoca una sorrisa, pero la so reacción ye la de dir por ti.

A insultate.

A menazate

col deu,

colos puños,

con un cuchiellu.

A solmenate.

A date una guantada.

A tirate al suelo.

A pateate.

A emburriate contra la paré.

A metete navayaes.

A facete sangre.

A matate.

Peor aún. Que seya en casa d'un collaciu y quienes pienses que son los tos collacios te traicionen asina. Por nun tar faciendo nada malu.

Puta homofobia.

Comments

]]> Tue, 24 Feb 2009 03:51:01 +0100 Políticamente correcta http://elmarica.nireblog.com/post/2009/02/21/politicamente-correcta http://elmarica.nireblog.com/post/2009/02/21/politicamente-correcta Hai que ver esto de los eufemismos cómo ye...

L'otru día taba yo nel bus y una paisana taba falando con una collacia comentando que Fulanita nun dicía delles coses porque "ye que tu yes mui políticamente correcta". Vínome nesi instante a la cabeza qu'eso a lo que se refería esa señora uvieína tola vida na mio casa llamóse "tener educación" o "ser educáu/ada".

Pásame pola cabeza muncho que reflexonar alrodiu de tol mundu que güei, por mor d'echar la llingua a pacer y dicir homofobidaes, escúsense nel fechu de que van "contracorriente" y son "políticamente incorrectos", faciendo orgullu d'eso...

Comments

]]> Sat, 21 Feb 2009 16:22:02 +0100 Fumando espero http://elmarica.nireblog.com/post/2009/02/17/fumando-espero http://elmarica.nireblog.com/post/2009/02/17/fumando-espero Fumar ye un placer
xenial, sensual.

Fumando espero
al home que yo quiero,
tres los cristales
d'alegres ventanales.

Y mientres fumo,
la mio vida nun consumo
porque flotando'l fumu
suelo apigazar...

Tirada na chaisse longue
fumar y amar...

Ver a mio amante
dimpuestu y galante,
sentir los sos llabios
besar con besos sabios,
y el devanexar
sentir con más deseos
cuando los sos güeyos veo,
sedientos de pasión.

Poro tando mio bien
ye'l mio fumar un edén.

Apúrrime'l fumu de la to boca.
Anda, qu'asina me vuelvo lloca.

Cuerri que quiero alloriar
de placer,
sintiendo esi calor
del fumu embriagador
qu'acaba por prender
la llama ardiente del amor.

Comments

]]> Tue, 17 Feb 2009 14:36:43 +0100 El mitu l'amor http://elmarica.nireblog.com/post/2009/02/01/el-mitu-lamor http://elmarica.nireblog.com/post/2009/02/01/el-mitu-lamor Restolando pela rede alcuéntrome con esti testucu sol amor bien bonu que lleera va unes selmanes pa unos alderiques na asociación.

Resulta bien interesante l'actu que fai neses trés fueyes l'autora Pilar Sampedro de llantar unes bases pa la deconstrucción de la nuestra concepción del amor. Esi amor pasional, esi constructu ideolóxicu, sofitáu pola lliteratura y les artes, esi amor que ye ensin ser ello mesmo, que se xustifica por sigo mesmo, ensin tener en cuenta variables como la fugacidá, los cámbeos vitales o el meru pasu'l tiempu.

¿Realmente facemos bien asentando un proyeutu vital como pue ser una pareya pa tola vida naguando por que tea allimentáu pol amor-pasión?

Esta entruga pue entamar ser respondida lleendo esti testu. Recomendáu.

Comments

]]> Sun, 01 Feb 2009 18:29:50 +0100 Llingua sí, llingua non http://elmarica.nireblog.com/post/2009/02/01/llingua-si-llingua-non http://elmarica.nireblog.com/post/2009/02/01/llingua-si-llingua-non Trés noticies, güei alrodiu la llingua, que non too va ser mariconaes nesti blog.

Una: Veinticinco años defendiendo la llingua

Dos: Valledor pide explicaciones sobre la «visión falsa» del bable que el Estado dio a Europa

Trés: Rechazada la propuesta para que el asturiano sea lengua propia de la Universidad

Asina ta'l patiu llocal, paisanes y paisanos. Si tuvieramos un pocu d'orgullu llingüísticu...

Comments

]]> Sun, 01 Feb 2009 18:10:03 +0100 Mr. Gay World 2009 http://elmarica.nireblog.com/post/2009/01/24/mr-gay-world-2009 http://elmarica.nireblog.com/post/2009/01/24/mr-gay-world-2009 James CiaranNun soi yo mui amigu d'estos concursinos por dellos motivos. Sicasí, tuvi escazopiando pela rede y atopé un enllaz al concursu en cuestión. Diome por achisbar quién diba presentase y, aparte de decatame que les Islles Canaries presenten candidatura independiente d'España (que yá oyera yo pelos mentideros va tiempu pero nun-y pagara importancia), descubrí esti mocín tan prestosu llamáu James Ciaran.

Ser, nun sedré amigu de los concursos, pero sí soi mui, mui amiguín del pelo roxu. ¡Qué-ly h.aremos! Caún tien los sos defectos y virtúes, ¿non?

Si fuera votar pal concursu, de xuru que'l mio votu diba dir pa él. Irlandés y de pelo roxu. Qué envidia... d'él y del so mozu, carustá.

Por ciertu, déxovos equí otru enllaz interesante al rodiu'l tema esti de los concursinos "de belleza" (nun se m'ocurre otru nome y creo que sirve pa entendenos esa espresión).

Comments

]]> Sat, 24 Jan 2009 11:52:11 +0100 Helena (II) http://elmarica.nireblog.com/post/2008/11/06/helena-ii http://elmarica.nireblog.com/post/2008/11/06/helena-ii Helena miró al traviés de la ventana, nuna cafetería nel centru de Tesalónica. La moza negra retorcíase nun charcu sangre mientres rutaba delles pallabres d'auxiliu, metada n'amáricu, malapenes nun griegu que tovía nun falaba curioso. Tirada nun requexu mientres naide nun podía oyir el so llamentar.

A Helena entró-y un fríu pel carrastiellu. Alcordábase de la mesma escena, años atrás, na que yera ella mesma la que taba tirada nunca cai de Xixón tres ser atacada per un grupu de cabeces rapaes ya intentaba pronunciar, ensin xacíu, una pallabra de socorru n'asturianu.

Comments

]]> Thu, 06 Nov 2008 09:37:11 +0100 Helena http://elmarica.nireblog.com/post/2008/11/06/helena http://elmarica.nireblog.com/post/2008/11/06/helena Helena tenía un día de perros. Llovía y obligáben-y a trabayar baxo l'agua y el fríu na rede de Cercaníes de FEVE, contando persones. Trabayu d'estudiante o d'inmigrante. Cansada, tomó la decisión d'abandonar el so puestu de trabayu un momentu y foi por un té caliente y un pinchucu chicucu pa recuperar enerxíes. Crució con una moza y caltuvieron les miraes, pero ella namás que-y contestó con un "¿Qué tas mirando?". Helena nun sabía bien l'asturianu y nun sabía qué taba pasando, y lo único que recibió como respuesta al so estáu de plasmada foi un "Dexa mirame asina d'una puta vez o te parto la cara".

Ye un fríu y lluviosu mundu ehí fuera, pero más fríu ta dientro'l mio corazón nestos momentos, pensó Helena...

Comments

]]> Thu, 06 Nov 2008 09:31:42 +0100 La Reina saca la llingua a pacer http://elmarica.nireblog.com/post/2008/10/30/la-reina-saca-la-llingua-a-pacer http://elmarica.nireblog.com/post/2008/10/30/la-reina-saca-la-llingua-a-pacer "Puedo comprender, aceptar y respetar que haya personas con otra tendencia sexual, pero ¿que se sientan orgullosos por ser gays? ¿Qué se suban a una carroza y salgan en manifestaciones? Si todos los que no somos gays saliéramos en manifestación... colapsaríamos el tráfico. Si esas personas quieren vivir juntas, vestirse de novios y casarse, pueden estar en su derecho, o no, según las leyes de su país: pero que a eso no lo llamen matrimonio, porque no lo es. Hay muchos nombres posibles: contrato social, contrato de unión"

Éstes son les declaraciones que güei, 30 d'Ochobre de 2008, lleí nel periódicu El País de Sofía, la Reina d'España. Paez ser qu'esta persona nun s'enteró tovía de qué va la cuestión de la homofobia y de por qué nos quexamos. ¿La mio parte favorita? Cuando diz eso de que "pueden estar en su derecho, O NO". Pues tar nel to derechu O NON a vivir xunto la to pareya, según Sofía, depende del país onde te toque vivir. Menuda muestra de campechanismu y drechos humanos, too axuntao y entemecío. Y eso viniendo de dalguien que tien el títulu de Reina d'esti estáu nel que vivimos. Como dicíen los de cierta cadena de supermercaos de llectrónica nel so anunciu "Mete mieu"...

Esto recuérdame esta otra noticia, sacada d'El Plural:

"La revista del Arzobispado de Madrid, Alfa y Omega, hace esta semana un alegato en contra de las
mujeres y los homosexuales en base a un Congreso celebrado en la Universidad Francisco de Vitoria,
vinculada con la corriente ultraconservadora católica de los Legionarios de Cristo. Según el suplemento,
“la ideología de género, que une el feminismo radical con el homosexualismo” se han “impuesto como
normales” provocando que la sociedad occidental se convierta en una “ciudad en ruinas”.

O seya, que teo la misión de convertir la sociedá occidental nuna ciudá en ruines. Asina desplícome yo la zuna que tienen munchos mariques de llevar ropa de camuflaxe ultimamente. Y yo con estos pelos. Voi tener que mercar ropa porque esta misión nun ye cosa floh.a eh? Recordái, por cada paisanu que vos tiráis nel cuartu escuru el sábadu nueche, el Papa matará un gatín. ¿O como yera, ho?

En fin, creo que nun fai falta que diga más, ¿non? Yo yá va tiempu que farté de gandalla, ¿y vós?

Fontes:

http://www.elpais.com/articulo/espana/nos/queman/trozos/papel/apagaran/elpepunac/20081030elpepinac_16/Tes

http://www.elplural.com/politica/detail.php?id=18060

Comments

]]> Thu, 30 Oct 2008 15:01:37 +0100