Xúnite a la Intifada Homosexual!

Carrie abrió'l portátil otra vez y púnxose a escribir darréu:

"Podríemos definir lo que yo llamo la barrera del me gustas. Ye un puntu de non retornu que crucia toa persona que-y diz a otra que-y presta pola vida. El meru fechu de verbalizalo yá trai consigo un cámbeu sustancial, de forma tala que yá una amistá nunca podrá volver selo si l'apueste emocional que se fai  piérdese, si el tren desencarrila o si'l barcu funde. Nun mundu nel que les decisiones más importantes son tomaes tan al debalu por mor de la inmediatez y la velocidá, ¿ye normal que munchos nun se decaten de les consecuencies notres persones de soltar eses dos pallabres ensin pensalo, de forma rutinario? Y lo que ye peor, ¿d'ónde vien esi sentimientu de carabobu que te queda cuando paras analizar la frustración y la rabia que te causa tal desengañu?"

Carrie peslló'l portátil y quedó fumando un cigarrín pensando nel tema, como siempres facía dende va años y años. De forma reiterativa y zapicando de contino na mesma piedra...

Esbilla | del.icio.us