2007-11-28 10:54:00
metabolic @ 10:54
Diendo per Xixón, en Cimadevilla, pues atopar coses como ésta. Esto ye una pintada qu'hai nun sitiu llamáu La Cabaña. Nun sé quién sedría l'autor d'estes pallabres, pero de xuru dellos integrantes de les subcultures fetiche gai tenemos daqué que dicir.Esto faime reflexonar sobre les idees que pue tener la izquierda tradicional, que siempre posicionóse como salvadora universal pero qu'entá paez que-y cueste integrar discursos que tradicionalmente fueron tachaos de dexeneración. Tiempos de cambiu, y el cambiu entá nun acabó...
Mañana, si m'apetez, esplícovos lo que pienso. Mientres, ¿qué opináis vos d'esta frase?
"Nun temas al que se pon uniforme, tiembla si l'uniforme-y pon"
Esbilla
del.icio.us
Comentarios(3) »
pa cuándo una quedada de gais falantes d'asturianu? mmmm
yo apúntome ;-)
propuesta de vocabulariu gai:
atalantes? pa entiendes?
Home, pues yo (muyer heterosexual d'izquierdes) faigo una llectura seguramente mui distinta a la to. L'uniforme ye la metáfora de los cargos que s'ocupen de que'l sistema siga como siempre, en beneficiu de los de siempre. Sicasí esos cargos son ocupaes por persones que salen de la masa del pueblu (los fios de los amos del capital nun se meten a guardia civil, por un regular), poro, son individuos de la clas trabayadora que puen facer un papel nos cambeos sociales porque al fin y al cabu tamién-yos afeuten... nun siendo que "l'uniforme-yos ponga". Yo nun lo veo en plan fetichista-sexual, sinón que pa mi tien el significáu de pasar a creese esi papel que-y otorga'l sistema ya-y fai olvidase de la so conciencia de clase. Polo demás la fras paezme mui acertada. ¿Qué ye lo qu'opines tu? Toi intrigada.
Acabo descubrir el proyeutu elmarica/lomarica/thefags y me paez francamente orixinal ya interesante. P'alantre con ello!
Dexar un comentariu