Xúnite a la Intifada Homosexual!

Carrie, na so infinita sabiduría, escribió lo que-y contó un día una collacia, que los mariques anguaño construyen la casa pel teyáu, nun mundu como ésti, nel que sabes enantes cuánto-y mide la polla a un paisanu enantes de tener visto la so cara nuna semeya.

Y asina-yos va, pensaba ella pa sigo...

Muncha xente como nós, LGTB, sabe perbién qué ye eso de dar la cara. Tar escuendíu ye un arma de filu doblu. Tas ehí, a seguru, pero ye un seguru inestable. Salir del armariu ye un fechu d'afirmación personal y colectivamente pue facer política.

Dende hai un tiempu, la xente del CAO (Conceyu Abiertu pola Oficialidá) tien entamao una campaña bien prestosa. Ye cenciella: garres una cámara, póneste que se te vea bien la cara con un cartelu que pon "Yo doi la cara pola oficialidá", saques la semeya y unvíes-yosla. Ellos la espublicen na páxina. Y yá somos más de 6000 persones y medrando.

Ye una salida del armariu de tolos que, falemos o non l'asturianu dende guah.es o simplemente la queramos como nuestra que ye, naguamos por vela con sofitu, con respaldu, pa que la sociedá, nós mesmos, y los de fuera, se decaten de qu'equí SÍ esiste l'asturianu, qu'entá nun morrió, que tien valir y ye una ayalga y que nun queremos que muerra. Nin más, nin menos. Nada malo hai nello.

Si quies formar parte de la campaña, o simplemente, quies echa-y un güeyu, calca nesti enllaz:

http://www.doilacara.net

Tres media hora d'espera, Carrie abrió'l portátil y púnxose a escribir:

"Nun mundu nel que dexar llantáu ye la normal y acurrir a una cita ye la esceición, ¿podría ser que realmente los gochos esnalaren y nós ensin sabelo?"

Dios, qué paciencia,...